Kisah Kasih di Sekolah

Jadi sahali on, marhata batak ma jo ahu di blog on, asa tanda iba na halak batak.

Di boto hamu do..... Molo na jolo, ai tung mansai jugul do ahu ninna angka jolma, ninna ahu pe sarupa do nian, hahah. Ale sipata olo do gabe anak baik au.

Tikki TK

Na jolo, malas do iba molo lao marsikkola. Jadi adong ma sada kisah menarik di tikki au TK. Ia au TK di sikkola ni polisi (Bhayangkari) do, jadi ganup manogot dohot arian dialap jala ditaruhon do hami marmobil Kijang Pekap (pickup) na biasa dipakke tu tahanan ni polisi.

Ala ni malas jala jugulhu na jolo, ganup do au tangis molo lao marsikkola. Di sada ari, songon na somal ro ma supir mangalap au tu jabu, songon na somal muse, tangis do au di tikki i, huhut ma inonghu mangabing au asa olo au naik tu mobil i. Dung dipahundul di karosi ni mobil i, sai mangalo do au. Jadi, hutimbunghon ma mobil i... lari ma au, "dang olo au sikkola........, nikku ma songon i. Dung i, dang huingot be kelanjutanna.

Berhajat

Mulai sian na tubu sahat tu kalas 4 SD tinggal di jabu kontrakan do hami. Molo ni dalani na jolo, biasa-biasa do ni hilala, ale molo diimbarhon tu parngoluan saonari, tung mansai posi jala bernit ma parngoluan keluarga nami najolo.

Jadi, di jabu kontrakan na jolo, markamar mandi umum do hami, molo lao mambuat aek, ingkon jolo manimba sumur do, jala sanga do nihilala manimba tanpa katrol. Dang holan kamar mandi na na umum, WC na umum do tong. Ia WC umum on, dang adong lampu dohot bak aek na. Jadi molo lao melaksanakan tugas iba, jolo niangkat do aek saember sian kamar mandi namarjarak kira-kira 15 m sian WC i. Anggo ni roha, unang ma nian mangido tu WC iba molo pas borngin, biasa ma dakdanak mabiar do tu begu, hahah. Molo nunga songoni kondisi na, terpaksa ma iba melakasanakan tugas di kamar dengan bantuan pispot. Di ingot hamu do aha pispot on? Lului ma di internet.

Mommonon

Nang pe na jolo au oto (saonari pe nian), hea do sanga au dapot ranking 1 di kelas 3 SD ima di caturwulan II.

Di sada tikki lao ma inonghu belanja tu pasar, pajumpang ma ibana dohot wali kelashu na di kalas tolu i, sebut nama, ima ibu Harianja. Jadi martaringot ma inonghu tu gurukku i, kira-kira songon ma percakapanna.

Inonghu (I) : "mauliate ma dah eda, boi do dapot juara sada anak ta i"

Wali kelas (W) : "ido eda, na malo do memang anakta si Natan i"

I : "ai boa do huroho ibana di sikkola, hape di jabu jarang do marsiajar ibana"

W : "i ma dah eda, na asi do tong ahu mamereng anak ta i, holan na mommon on ibana"

"Tutu do i ma?", husungkun ma inonghu pas di ceritahon tu au mengenai i.

"Tutu si tutu", alus ni umakku.

Porlu do boto on muna. Mulai kalas 1 sahat tu kalas 3 SD, sai mommon on dope au.

Tukang bessak

Lupa do au pas kalas piga SD kejadian on. Jadi pas mangajar ma guru baru di kalas nami, sebut nama, ima Ibu Pasaribu.

Di sada tikki, hurang takkas huingot pelajaran aha, dibahen ibu i ma peran-peran tu hami. Si anu gabe guru, si anu an gabe bapak-bapak, na sada nari gabe pembantu, dll. Na pas tu au, gabe parbeccak ma au ninna. Haccit ma rohakku di si. Sai tumatangis ma au dung mulak tu jabu, mangalu-alu ma au tu inonghu.

Kebetulan ibu i, tetangga nami do. Ro ma umakku martandang tu jabu na lao marnonang, di sada topik parnonangan di sunggkun ma guruku i.

I : "Ai aha do didonghon hamu eda tu anakta si Natan?, sai marungut-ungut ibana ala didonghon hamu ibana parbecak"

Ibu Pasaribu : "Weh tahe, matte ma. Na mambahen contoh do i, eda. Dang nirippu gabe dipamasuk tu roha na i"

Sahat tu nuaeng dendam dope au tu ibu i (peace, just kidding ninna di hata Inggris) sai holan na digotili do butuha niba na jolo.

Jolma Na Pogos

Molo cerita on, pas SMP do ra, ai na huingot nunga pinda be jabu nami.

Kejadian on pas latihan natal parsahutaon tu angka remaja. Na jolo, holan tetangga dekat do dongan niba marmeam. Jadi, malas do iba molo nunga marpungu dohot dongan sejawat di parsahutaon i ala ni jugul-jugul ni nasida.

Dohot terpaksa niikutan ma latihan i. Jadi mambahen drama ma hami, ia hami dilatik, sebut nama, inang Tambunan boru Tobing. Dibagi inang i ma peran-peran sesuai naskah drama, tiba ma pembagian tu au, di boto hamu do aha dibaen peran tu au? I ma, sesuai judul di atas, jolma na pogos.

Haccit situtu ma rohakku dabah. Huterima do nian di ari i. Ale, di latihan berikut na, dang ro be au. Dipaksa inonghu pe au di tikki i, "Oh I am sorry, dang olo au.....".

Marmeam di Ladang

Molo na jolo, habis mulak sikkola, mangan, manucci piring, habis i niberingi buku sikkola i, holan diberingi do dah. Dung agak tabo ari (jam-jam 3 ma biasana) mulai ma iba marbola di tano lapang di jolo ni jabu dohot dongan tetangga. Ale molo nunga jam 4, mulai ma digorai among/inong i iba.

"Jubeeeel, Nataaaan, nunga sai be namarbola i, siram hamu jo cabetta an."

"Iya (tanpa ma/tanpa pa), bentar lagi", ima alus nami biasana.

Nangpe parTarutung, na jolo sai marbahasa Indonesia do hami tu natua-tua i, hahah.

Lanjut tu cerita tentang ladang. Dung sae marbola lao ma au dohot abanghu dohot adekku bahkan kadang dohot tetangga tu ladang lao maniram cabe. Peralatan yang harus dibawa yaitu ember dohot dasar (tempurung). Ladang nami on, ladang darat do, dang adong sumber air na jonok. Ingkon lao do iba mangalap aek tu bondar sosopan atau aekristop yang berjarak kurang lebih 20 m dari ladang. Tuat ma iba tu bondar i, ni tahu i ma aek tu ember, niangkat ma tu baruran ni cabe i, baru ma disiram.

Porlu do botoon muna, ia di boddar i godang do ikan mas guling a.k.a te ni jolma, hahahah.

I ma jo ceritakku, nunga lumayan godang on. Minta maaf ma jo, dang seseuai judul tu isi na.

Nunga hampir tolu taon dabah dang dijama blog on. Asa songon na mangolu muse websait pribadi on. Mauliate.